Saturday, October 7, 2017

ಹುಲಿರಾಯ

ಸಿನಿಮಾ ನೋಡಿ ಹೊರಗ್  ಬರೋವಾಗ ಸಿನೆಮಾಸ್ ನ usher ಹೊರಬಾಗಿಲು ತೆಗೆಯುತ್ತಾ, "ಹೇಗಿದೆ ಸಾ ಮೂವಿ?" ಅಂತ ಕೇಳ್ದಾ ..

Labrador, Pomeranian ಅಂತಾ ಯಾವುದ್ ಯಾವುದೋ ಜಾತಿಯ ನಾಯಿಗಳನ್ನ ನೋಡಿ, ಸಾಕಿ, ಮುದ್ದಾಡಿಕೊಂಡಿರೋರಿಗೆ ನಡು ರಸ್ತೆಯಯಲ್ಲಿ  close-up ನಲ್ಲಿ ಅನಾಮತ್ತಾದ ಹುಲಿಯೊಂದು ಬಂದು Dolby DTS Surround ನಲ್ಲಿ ಘರ್Ssss!! ಅಂದಂಗೆ, ಸರ್ಕಸ್ ನಲ್ಲಿ  ಬರೀ harmless ಪಿಳ್ಳಿ-ಪಿಚ್ಕು ಪ್ರಾಣಿಗಳು entertain ಮಾಡುವುದನ್ನು ನೋಡುತ್ತಾ, pop-corn ತಿನ್ನುತ್ತಾ ಕುಳಿತ audience ಮುಂದೆ ಹಠಾತ್ತನೆ ಹಸಿದ ಹುಲಿಯೊಂದು ಹಂಟರ್ ನ ಬೇಲಿಯಿಂದ ತಪ್ಪಿಸಿಕೊಂಡು ಘರ್ಜಿಸುತ್ತಾ ಕಣ್ಮುಂದೆ ಬಂದ ಹಾಗಾಯ್ತು ಮಾರಾಯ ಅಂತೆಲ್ಲ ಒಂದೇ ಉಸಿರಲ್ಲಿ ಕಕ್ಕಿ ಬಿಡುವಾಸೆ ಆಯ್ತು, ಆದರೆ ಹಿಂದೆ ಜನರ ಸಾಲಿತ್ತು ಹಾಗು ಅವನಿಗೆ ನನ್ನಷ್ಟು ಪುರುಸೊತ್ತು ಇರಲಿಲ್ಲ ಕೇಳೋಕೆ. ಮುಗುಳ್ನಕ್ಕು ತುಂಬಾ ಚೆನ್ನಾಗಿದೆ ಅಂತ ಹೇಳಿ ಬಂದೆ.

ಲಕ್ಷ  ಚಿತ್ರಗಳನ ನೋಡಿ, ಸಾವಿರ category ಗಳಲ್ಲಿ ಅವನ್ನ ಹಾಕಿ, ಕಾಮಿಡಿ ಸಕ್ಕತ್ತಾಗಿದೆ, ಸಸ್ಪೆನ್ಸ್ ಹೆವಿ ಇದೆ, ಪಕ್ಕಾ ಮಾಸ್ ಮೂವಿ, ಡಾಕ್ಯುಮೆಂಟರಿ ಥರ ಇದೆ ಅಂತೆಲ್ಲ ಹೇಳ್ತಿವಿ. ಯಾರೋ ಒಬ್ರು ಹೇಗಿದೆ ಮೂವಿ ಅಂದಾಗ ಅದರಲ್ಲಿ ಒಂದನ್ನು ಹೇಳಿಬಿಡುತ್ತೇವೆ, ಸಾ ಹೆವೀ ಲವ್ ಫೇಲ್ಯೂರ್ ಮೂವಿ ಸಾ! ಲವ್ವಾಗೋಯ್ತದೆ ನೋಡಿದಟ್ಗೆ ಅಂತಂದ್ಬುಟ್ಟು. ಆದರೆ ಕೆಲವು ಚಿತ್ರಗಳು ಇವೆಲ್ಲವನ್ನೂ ಹೊರತಾಗಿ ನಿಂತುಬಿಡುತ್ತವೆ, ಹೇಗಿದೆ ಚಿತ್ರ ಅಂತ ಒಂದೇ ಸಾಲಲ್ಲಿ ಹೇಳೋದು ಹೇಗೆ, ಏನು ಅಂತ confusion. "ಹುಲಿರಾಯ" ಕೂಡ ಹಂಗೆ. ಒಂದು expect ಮಾಡದೇ ಇರುವಂಥ, ಸುಂದರವಾದ ಆತ್ಮ ಇರುವಂಥ ದೃಶ್ಯ ಕಥೆ. ಬಾಲು ನಾಗೇಂದ್ರ ರ ಅಭಿನಯ ನೋಡಿದ್ರೆ ಪ್ರೀತಿ ಬರ್ತದೆ, ಕಥೆ ಮೇಲೆ ಪೂರ್ತಿ ಕಂಟ್ರೋಲ್ ಇರುವಂಥ ಅರವಿಂದ್ ಕೌಶಿಕ್ ರ ನಿರ್ದೇಶನದ discipline ಪ್ರತಿ scene ನಲ್ಲೂ ಕಾಣಿಸ್ತದೆ. ಹಾಲ್ ನಲ್ಲಿ ಜನರು ತುಂಬದೇ ಇದ್ದದ್ದನ್ನು ನೋಡಿ ಸಮಾಧಾನ ಆಗದೇ ಇಷ್ಟುದ್ದ ವರ್ಣಿಸಿ ಬರೆದು ಹಾಕಿದೆ. Review ಅಲ್ಲ ಇದು, review ಅಂದರೆ ಯುದ್ಧ ಮಾಡಿ ಹುತಾತ್ಮನಾದ ಯೋಧನ ಮನೆಗೆ ಮೈಕ್ ಹಿಡಿದುಕೊಂಡು ಹೋದ ಒಬ್ಬ ಹೊಟ್ಟೆಬಾಕ ರಿಪೋರ್ಟರ್, ಯುದ್ಧ ಮಾಡೋದು ತಪ್ಪು, ಕುಳಿತು ಚರ್ಚೆಗಳಿಂದ ವಿಷಯಗಳನ್ನ ಬಗೆ ಹರಿಸಬೇಕು ಅಂದಂಗೆ. ಪಟ್ಟ ಇಷ್ಟ-ಕಷ್ಟ ಗಳು ಮಾಡುವವರಿಗೇ ಗೊತ್ತು ಹೊರತು ಆಡುವವರಿಗಲ್ಲ. ಏನೋ, ಇದನ್ನ ನೋಡಿ ನನ್ನ ಕೆಲ ಸ್ನೇಹಿತರು ಸಿನಿಮಾಗೆ ಹೋದ್ರು ಸಾಕು, ವರ್ಷಾನುಗಟ್ಟಲೆ ಕಷ್ಟ ಪಟ್ಟ ಬಾಲು ಮತ್ತೆ ಅರವಿಂದ್ ಕೌಶಿಕ್ efforts ಸಾರ್ಥಕ ಆಗ್ಲಿ. ಮುಂದಿನ ವಾರ ನೋಡೋಣ, ನಾಡಿದ್ದು ನೋಡೋಣ ಅಂತನ್ಕೊಂಡು ಕೂತ್ರೆ ಸಿನಿಮಾಸ್ ನಿಂದ ಎತ್ತಂಗಡಿ ಆಗೋಗತ್ತೆ ಚಿತ್ರ, ಕರ್ನಾಟಕದಲ್ಲಿ ಕನ್ನಡ ಚಿತ್ರಗಳಿಗೆ ಬಂದ ಗ್ರಹಚಾರ ಇದು. ಸಿರಿಗನ್ನಡಂ ಗೆಲ್ಗೆ, ಸಿರಿಗನ್ನಡಂ ಬಾಳ್ಗೆ, ನಮ್ ಮಕ್ಕೆ! ನಾಳೆನೇ ಹೋಗಿ ನೋಡಿ, first weekend collections ಮೇಲೆನೇ ಸಿನಿಮಾ ಮುಂದೆ ಓಡ್ಸೋದೋ ಬೇಡ್ವೋ ಅಂತ ಲೆಕ್ಕ ಹಾಕಲಾಗತ್ತಂತೆ. ಒಳ್ಳೇ ಸಿನಿಮಾ ನೋಡಿ. ಒಳ್ಳೇದಾಗ್ಲಿ                



            

ಗುರುದೇವ್ ಹೊಯ್ಸಳ - ಇಷ್ಟವಾಯಿತು. ಹೇಗೆ, ಏನು, ಎತ್ತ...

ನಾವು ಸಿನೆಮಾ ಹಾಲಿನ ಕತ್ತಲಲ್ಲಿ ಕುಳಿತಾಗ, ತೆರೆ ಮೇಲೆ ತೋರಿಸುವ ಬೆಳಕಿನಾಟವೊಂದನ್ನೇ ಎದುರು ನೋಡುತ್ತೇವೆ. ಕೆಲವೊಂದಷ್ಟು ಕಾರಣಗಳಿಗಾಗಿ ಆ ಕತ್ತಲ ಮೊರೆ ಹೋಗಿರುವ ನಾವು,...